تجربة مع البيع الالكتروني.

 

ebuying

بهذي التدوينه حابه اعرض تجربتي مع البيع الالكتروني , بما اني حطيت تدوينه عن  عرض التجارب حبيت افيد غيري بتجربتي الجميله ,اشتريت جهاز جوال من فتره تقريبا 3-4 اشهر فجأه قررت اني اغير الجهاز مع انه كويس بس رغبتي اغيره , بدال ما اصير الفتاه(المبذره) لازم (ادبر عمري) واتحمل نتيجة قرارتي !! رجعت جهاز الجوال للمحل اللي اشتريت منه وقالوا انهم بيشترونه مني ب1000 مع ان سعر الشراء كان2500 ريال واستخدامي رقيق ونظيف 😛 طبعا انا ما رضيت ابيعه بهذا السعر وهو لسا جديد ! وحده من صديقاتي قالت لي ساره اعرضيه بموقع لبيع الاشياء المستخدمه وكان هذا الموقع www.mstamal.com

دخلت الموقع وسجلت كعضو باسم اخوي وحطيت كل معلومات الاتصال الخاصه فيه عشان اي احد يبي الجهاز يتواصل مع اخوي ,طريقة الموقع كانت اعلانات موجوده ويقدر الزائر يحط رد على الاعلان يستفسر فيه عن اي شي, ونزلت اعلان  من غير صورة للجهاز وطلبت يكون السعر1500 ريال راح اوضح بعدين السبب , طبعا جات طلبات عالجهاز منها الصادق ومنها الكذاب !! وتجي طلبات تطلب انك تنزل السعر بعدين تهون انها تشتري وكل احد راح يسال السؤال المشهور(هل الجهاز فيه خدوش) !, كانت تجي طلبات تبي تشتري الجهاز وبعدين تختفي ,حسيت بالاحباط ! لكن قررت اني انتظر واشوف ايش بيصير ,نزلت اعلان ثاني وحطيت فيه صور للجهاز, , انتظرت  الى ان جا شخص استفسر عن بعض الاشياء بالجهاز وتواصل مع اخوي واشترى الجهاز بسعر 1300 ريال ,طبعا نصف قيمه الجهاز بما انه مستخدم كان اقل شي اقبل فيه .

خلاصة التجربه:

  • انك تشتري جوال وتبيعه على محل جوال تاكد ان المحل بيعطيك سعر قليل جدا عشان يبيعه بسعر اعلى.
  • لمن تحط اعلان ,السعر المطلوب لازم يكون اعلى من الحد الادني اللي ممكن تقبل فيه , تجربتي كمثال 200 ريال راحت بالمكاسر .
  • تجربة البيع الالكتروني يبيلها صبر وطولة بال يعني المدة ممكن تطول حتى ينباع الشي اللي تبي تبيعه, بالنسبة لجهازي استغرق الموضوع 15 يوم .
  • لاحظت انه فيه ناس تطلب من الزوار تسوم السلعة , اعتقد لك الحق انك تطلب القيمه اللي تبيها , ممكن السومه تكون اقل من الحد الادنى اللي ببالك.
  • ضروري تحط صورة للسلعه اللي تبي تبيعها , ياخذ عنها المشتري فكره قبل لا يشوفها وعشان ما يتخيل شي مو موجود .
  • اذا كنت متاكد ان جهازك كويس (وما انكرف) ومافيه خدوش على قولتهم لا ترضى باقل من نصف السعر اذا له مدة بسيطه ,كل شي له حقه !
  • لا تنسا تكتب كل مواصفات السلعه ومدة استخدامها واي معلومات ممكن تفيد الانسان اللي يبي يشتري.
  • الموقع اللي استخدمته يطلب عموله قدرها 1% لا تنسونها تتحول الى رقم حساب الموقع  ويدفعها المعلن, في حال كانت العموله اكثر من 10 ريال , اذا كانت 10 او اقل الموقع يطلب التصدق بالمبلغ.
  • هذي التجربه كانت مفيدة جدا:), وما انسى اشكر اخوي اللي سهل لي الموضوع.وشكرا لصديقتي  نجلاءاللي دلتني على الموقع  , ومن لا يشكر الناس لا يشكر الله (حليمة مو احسن مني(  ;).
Advertisements

فكرتان اثنتان على ”تجربة مع البيع الالكتروني.

  1. مرة قاللي أخويه اذا تبغي تبيعي أي جهاز بسعر حلو احتفظي بالكرتون و الكيس و الأوراق اللي تجي معاه و فعلاً اول ما اشتريت جوال و وصلنا البيت طلع ما يدعم عربي رحت رجعته في نفس المحل و الاكياس الصغيرة حقت الشاحن و السماعات مو موجودة راح الرجال فتح الجهاز الجديد الثاني اللي اشتريته و اخذ الاكياس منه و اعطاني جهازي بدون اكياس و صار كذه رجعت الجهاز بنفس القيمة ..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s