النصيحه بجمل …. هل هي دائما كذلك؟؟

فتيات بحجاب في احد المراكز ..

شخص: غطوا ( وتقوم بالاشارة بيدها لغطاء الوجه) غطوا ترى انتو كبار !!

الفتيات : لا تعليق .

هل النصيحه هنا بجمل كما يقال دائما؟؟

اليس هناك اسلوب  افضل من ذلك لايصال النصيحه ؟

اليس هناك فرق بشكل الحجاب  ؟ هل هو مع زينة او غيرها؟

Advertisements

11 فكرة على ”النصيحه بجمل …. هل هي دائما كذلك؟؟

  1. سبحان الله ربي خلق الانسان على الفطره ولو الانسان اتبع احساسه ماراح يغلط فأنتي وش احساسك هل تساورك شكوك حول مسئله كشف الوجه او لا

    اسئلي نفسك وانسي الناس هل انتي مرتاحه مقتنعه باللي انتي تسوينه الدين مافيه اكراه الانسان مهما ضحك على الاخرين وصااااغ احلى الكلام بيظل يعرف الصح داخليا

    اما عن الاسلوب الله يجزاها خير اللي نصحت شخص ينصحك شي حلو ولا شخص يجرك زي كثير من البنات مع صاحباتهم بالكلام الحلو يقنعونهم باشياء سيئه

    فاتوقع كفتي ترجحالنصيحه ولو باسلوب ما احبه ولا كلام معسول احبه لشئ لا يحبه الله
    ولو انه يفضل الاسلوب الحلو اكيد محد مننا مايحب يسمع كلمه تجبر بخاطره

  2. اسماء.. في ناس ما تحترم ان الحجاب عليه خلاف واللي مو مختلف فيه اللي هو الزينه.

    مي مي.. انا ما اناقش موضوع الحجاب وجوازه.. انا طرحت موقف يصير دايما اللي هو النصيحه من غير اسلوب جيد.. هل تتوقعين انها ممكن تاثر بالطرف الثاني .. بغض النظر عن كون مسألة الحجاب مختلف فيها لان الناس اللي تمشي مع عدم جواز كشف الوجه ينصحون بغطا الوجه… والسؤال يبقا ليش مافي اسلوب كويس ياثر بالطرف الثاني؟ ليش النصيحه باسلوب ينفر الاشخاص الاخرين؟

  3. النصيحة فعلا تكون بجمال وبأسلوب ولا ماراح يتحقق مقصد النصحية
    والهدف من النصيحة ..

    هذا هو ماعلمنا عليه ديننا الأسلوب الجيد للحصول على المطلوب ..

    دمتي ..

  4. ولو كنت فظا غليظ القلب لانفضوا من حولك <هل دائما النصيحة كذلك <سؤال غلط لانها مو ادائما كذلك ..

    انا اعرف انسان انقلب فوق تحت بسبب نصيحة غلط واسلوب غلط وعنادة ومو عارف ايش …

    اصلا اصلا (حسيت اني بزر هههه ) مو كل انسان يسوي فيها داعية والي يبي ينصح يحاول يحسن اسلوبه والا لاينصح ..واذا اذا مايعرف ينصح الله لايهينه يكتب ورقة ويمشي والله الهادي <<جواب سؤال هل هناك اسلوب افضل …
    يوه يوه عاد عندكم بالرياض والزصيم ناس جافين وتحسين انهم ماينصحون جالسين يتأمرون …
    ماعندهم جمل وبس عندهم عصا هههههههه (حسبي الله على هالتخلف )

    اما عن سؤال هل هناك فرق بشكل الحجاب .. انارايي مع راي ميمي .. وترى المشكلة مو بالحجاب والزينة وهالاختلافات .. المشكلة بتقبل الناس هالشي وتكبير المشكلة لناس معينين وتصغيره لناس معينين برضو ..لمن حسو الناس المعينين الي يكبرون المشكلة عليهم ا نو فيهم نقص ..والله المستعان 🙂

  5. طيب برجع لنقطه جواز الحجاب انتي سئلتي عن هل هنالك فرق انا ما تكلمت عن جوازه او شي
    باين
    فهمتي غلط انا اقول كل شخص وهو ايش قناعاته اتوقع كلامي كان واضح لا اكراه بالدين

    اما عن مسئله الاسلوب طيب االافضل يكون فيه اسلوب لكن ؟ الان جائ شخص وقال لك جمله او كلمه بطريقه مو حلوه خلينا ننساه شوي خذي هالكلمه وفكري فيها هي صح ولا لا ؟؟

    هنا يبدى دور الانسان في استغلال النصيحه مو اسمع الكلمه واقول ما عجبني الاسلوب يمكن اسلوبه غلط لكن كلامه صحيح ؟؟ هنا الانسان العاقل المفروض يوازن الامور وياخذ اللي يفيده من اي موقف يعني انا ممكن اجي باسلوب حلو واقول يالله سوسو بنسوي شي غلط وسويتيه هل عذرك انك سويتي الغلط انه اسلوب كان حلو ذا مو عذر كل انسان عقله براسه يعرف خلاصه

    الخلاصه : الحجاب عليه اختلاف وما اتوقع انه انا او انتي كناس غير متفقهين بالدين نتكلم هل فيه فرق او لا او حتى جوازه
    ثاني نقطه الاسلوب مهم لكن على الانسان ان يكون عاقلا كفايه ليستفيد ويوازن الامور

  6. مي مي.. كلام حلو .. لكن هل تعتقدين ان في احد بهذي الايجابيه اللي تتلكمين عنها انسان يتلقى نصيحه باسلوب سئ ويتجاوز كل ذلك ويفكر بالمضمون !

  7. حيا الله سارة،
    طيب لو كنتي مكانه و تبين تنصحينهم وش ممكن اسلوب كويس يأثر فيهم؟ أو على الأقل يتقبلونه بصدر رحب؟

    tc

  8. brite.. النصيحه بلين واسلوب مؤدب اذا كان القصد من كلامها النصيحه .. في ايه بالقران تقول ( ولو كنت فضا غليط القلب لانفضوا من حولك ) لا اذكر تكملة الايه لكن المعنى منها ان النصيحه تكون باسلوب مؤدب ,, وبالنهاية غطاء الوجه امر مختلف.. فاذا كانت بتوصل نصيحتها من وجهة نظرها المفروض تكون باسلوب لين حتى يقتنع الطرف الاخر ..

  9. كل يوم اعبر الفيصلية ماقد شفت سعودية كاشفة وجهها الا وهي حاطة مكياج او متعطرة (وهذا الأمر مافيه اختلاف)، و صوتها اعلى من صوت الرجال في الكلام والضحك .

    عندما ارا من تكشف وجهها بلا مكياج ولاعطور وتلبس الحجاب بشكل صحيح بدون “خصلات متطايرة” بكل احترام فإنها تكون غير السعودية.. لي سنة في الفيصلية ماشفت سعودية محترمة وكاشفة وجهها الا أقل القليل.. البقية يمشون جنب بعض وضحكاتهم توصل الدور الثاني من قلة الحيا، و عيونهم زايغة اكثر من الرجال تحط عينها بعين كل واحد و تعلق ع الجميع.. ما ادري ليه شايفين الدنيا سبهللة، يوصل عمر الوحدة ربع قرن 25 سنة ماتدري كم باقي لها وتظل تسوي اللي تشتهيه وتعيش بلا هدف، ومخها مليء بمشاهد الأفلام والمسلسلات اللي هونت كل شي على القلب.

    اعتذر عن الإستطراد اللي ماله دخل، لكن لأني سمعت كثير “غطا الوجه مختلف عليه” من بنات خذوها ذريعة و صارو يجون للأسواق كأنهم رايحين عرس من الميك-اب… ولأني احزن ان بنات بلدي يحطون كل يوم روج لون غير، بينما البحرينية اللي معنا محافظة على الحجاب بدون قطرة تزين او عطر وتحضر اجتماعات الرؤساء بكل ثقة..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s