شبابنا العزيز ممكن تفكر …

 

اللي الاحظة صاير الحين  شي مو طبيعي !! نسب الطلاق ارتفعت بشكل خرافي … طيب هذا الشي ليش يصير بوقتنا ما كان يصير

قبل عشرين سنة؟؟…. التطور ما اتوقع له اي علاقة مباشره ..

السبب تفكير شبابنا…

الشاب يجي ما عنده ادنى تصور عن البنت  اللي راح يرتبط فيها وتفكيره منحصر فقط بشكلها…انا ما اشجع العلاقات  لانها كمان لها نتايج ثانيه… وراح اتكلم عنها..

لو قالوا لأي شاب راح نشتري لك سيارة .. لكن السيارة هذي ما راح تغيرها طول عمرك… راح يتعب حتى يختار ويهتم.. فما بالكم بانسانة راح تشاركه حياته!! لازم يكون له دور بالاختيار..مهما كان هذا الدور صغير..لدرجة انه بس يختار العائلة اللي يخطبون له اهله البنت منها….يقدر يسأل عن بنت تداوم معه مثلا… بنات  يجي ذكرهم  امامه… انا ما احصر لكن اجيب امثلة..اقل شي يقول عائلة معينه.. لمن يحس انه  هذا الشي اختاره.. مسار كل شي راح يتغير.. مشاكلة الزوجية راح يتحملها لانه راح يعرف ان هذا اختياره ورغبته..

اللي صاير الحين ان  شباب يتحججون بفشل زواجهم… (انتو الي اخترتوها لي)!!! …

شي اخر…العلاقات !!!

دائما نسمع ان الشباب يقولون ان رغبتهم يتزوج(عن حب) … وتصير  له علاقه ولمن يسألوه ليش ما تتزوجها.؟؟ الجواب:  انا احبها بس مستحيل اتزوجها….انا بتزوج وحده .. ما عرفت احد غيري ولا كلمت احد غيري ولا شافت احد غيري!! ولو عمرها ما شافت الشارع يكون ممتاز!!…. طيب اسأل نفسك..هل هذه الانسانه اللي حافظت على نفسها تستاهل واحد زيك؟؟ طبعا … لا …

ونجي للبنت اللي ضحكت عليها…. لهذي الدرجة  الشباب صارت تسليتهم (بنات) .. واللي ما  عنده بنت يعرفها شي عيب!!!

( ما اتكلم على البنات اللي ماشين على حل شعرهم !!) …البنات صارو جزء من البرستيج !!…اللي يكون له علاقة مع بنت كويسه لو عنده ذرة ضمير وعارف ما راح يرتبط فيها… راح يتركها بحالها اذا عارف نفسه  مستحيل يصير له ارتباط بهذي الطريقة.. كل  انسان  وله قناعاته… ويا ليت كلنا نعرف قناعتنا وظروفنا عشان ما نجي بعدين… ونندم  ونقول ان احنا مو سعيدين !!

السيناريو الممل اللي يصير..

احب وحده بس ما اقدر اتزوجها لسببين اما… اهلي  ما وافقو . او.. مستحيل اتزوج كذا ( زي ما عرفتني تعرف  غيري )…

الاهل يدوورن له عن البنت ( الخياليه) …. ولمن يلقونها… احتمال ما ينسجم معها…اذا انسجم معها الحمد لله  وخير وبركه والله يعوض عاللي ضحك – وسحب- عليها !! لكن.. راح يجي يوم وياخذ عقابه ..

طيب ما انسجم معها… يجي  لعمر معين يقرر انه لازم يختار ويتزوج ثاني…. او انه يدخل بدوامة علاقات.. وتخيلوا حياته كيف ممكن تكون مع زوجته…

عشان يتغير السيناريو لازم..

كل شاب  يعرف …. ايش تصوره عن هذا الموضوع… ايش اللي يبغاه … ايش قناعات اهله اذا مو مستعد يدخل معهم (بصراع)

عشان ما يخلي اهله او اي احد  (شماعة) يحملهم مسؤولية فشله..

بعض النقاط ما تكلمت عنها… البنات و الشباب اللي( يتسلو).. بالعلاقات…هذول ما اتوقع اني احتاج اشرح عن وضعهم !!

Advertisements