انا من مؤيدي قيادة المرأة للسيارة

كثير اللي بيقرا اللي راح اكتبه من الفئة الذكوريه بيقول(انتو يالبنات مرتاحين والسواقين تحت يدينكم)..بذكر كم حالة تايد اللي اقوله..
اول حالة…تقوم العائلة الصباح استعداد للدوام وتلقى السواق حاط مفتاح غرفته والسيارة عند الباب الرئيسي وماشي…ببساطه لانه اغتر
بكلام (السواقين الغير نظاميين) بانه يشتغل بطريقه غير نظامية ويحصل على راتب قدره 1700 ريال وممكن يوصل 2000 ريال من غير مساومه!!..طيب هذي العائلة والدهم مسافر مين يودي مدارس وجامعات ..التكسي حل مؤقت

ثاني حالة…ام تسكن بمنطقة تبعد عن الرياض 100 كيلو وعندها موعد مستشفى بالرياض واضطر زوجها للسفر فجأه ومافي وسائل مواصلات بالمنطقه ايش تسوي…؟؟؟تلغي موعدها وزوجها لا يسافر مره ثانيه

ثالث حالة…عائلة (من غير عائل) الوالد متوفي وعندهم اطفال (الاولاد ما يقدرون يسوقون سيارات) وغير قادرين على تكاليف التكاسي كل شوي لو يملكون سيارة متواضعه بتصير قيمتها اقل من تكاليف التكاسي لمده سنة باعتبار تكلفة المشاوير اليوميه 40 ريال لمده سنه تصير 14600 ريال اتوقع مبلغ يكفي لامتلاك سيارة متواضعه

الحالات هذي موجوده وبكثرة لكن مين يسمعهم…وفي غيرهم كثير وبظروف مختلفه ..راح تصير مشاكل و الدوله قادره على السيطرة على الوضع… اشاعات كثير تقول النظام راح يتطبق واشاعات تقول ما راح يصير
بالاخير الله يكتب اللي فيه الخير لنا…

Advertisements

5 أفكار على ”انا من مؤيدي قيادة المرأة للسيارة

  1. شوفي انا معاك انه فكره السواقه كفكره ضروريه بس لو فكرتي فيها وتخيلتي انها تطبقت اول مشكله الزحمه
    الان تشوفين سواق معاه اربع بنات كل وحده لها مشوار ويفرفر فيهم لو كل وحده عندها سياره والله ما وصلنا لاي مكان خصوصا بالرياض وزحمتها طيب غير كذا الشباب الراقي الواعي اللي يسوقون وطبعا حدث ولا حرج فاشيلين بالسواقه لو تقتليني ما اسوق معاهم فيه للفكره حسنات ومساوء

  2. انا مؤيد لقياده المرأه .. بس لو اجلس ساعه اتخيل وش بيصير اكره الدنيا !!

    احنا ٦ ملايين شخص وعندنا ٥ ملايين سياره !!

    لو ساقوا الحريم .. وش بيصير .. بتتدبل السيارات .. ويصير المشوار ابو ٣ ساعات !!

    يعني انتحار 😦

  3. المسألة مسألة مبدأ
    يعنى شئ حلال لماذا نحرمه
    هل حدث هذا أيام النبى صلى الله عليه وسلم أو الصحابة ؟
    هل منعت المرأة من ركوب الدابة وحدها؟
    اعتقد أن قيادة المرأة ارحم من وجود السائق الأجنبى
    كل شئ له منافع ومضار
    ولكن لابد من اثبات المبدأ

  4. اكيد بتصير مشاكل بس شوية انظمة راح تظبط الوضع..واتوقع مع حادث البنت اللي من يومين بيفكرون الف مره قبل لا يصير شي زي كذا

  5. بصرلحه اناضد ان المراه تقود السياره ولعدة اسباب
    ابرزها الزحمه وكثرة الحوادث والادها من هذا كله بالعقل هل الشباب ييفوتون بنت لحالها تسوق سياره بنص الليل حنا الحين مانا بسالمين فما بالك اذا سقنا سياره بس في الخارج عادي متعودين ان البنات يسوقون فما في شي جديد اذا في كلامي شي خطا قولولي يإما تقنعونو او اقنعكم

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s